Mende
bat harien erresuman:
2003. urtea berezia da oso Eskulanen Etxea.la Casa de
labores dendarentzat, ehun urte beteko baititu aurten.
Urte hauetan guztietan, hainbat langile aritu dira bertan
eta dendaren egoitza edota izena bera aldatu egin dira.
Dena dela, aldaketak aldaketa, eskulanen erreferente da
Donostian. Maria Concepcion eta Maria Arrieta ahizpek,
1903an, "Concha y Hermanas" denda zabaldu zuten
Narrika kaleko 23. Zenbakian. Hala ere, bereala joan ziren
Elkano kaleko5. Zenbakira, eta gaur egun, Eskulanen Etxea-La
Casa de labores izenarekin, dendak bertan jarraitzen du.
Lehen urteetan Arrieta ahizpak izan ziren dendako nagusiak,
harik eta ilobak,
Concepcion Arrieta Lizarribarrek, 1947an lekukoa hartu
zien arte. Concepcion izan zen dendaren arduraduna lau
hamarkada luzez. Azkenik 1990ean . Concepcionen seme-alabek
hatu zuten denda.Gaur egun, bordatuak, tapizak, eskulanak,
alfonbrak, ehuna eta artilea saltzen dituzte: botiak,
kremailerak, orratzak, guraizeak, krisketak… .Hasieran,
dendako tailerrean, bordatuak edo marrazkiak egiten ikasteko
aukera zegoen. Urteen poderioz, ordea, saltokia tailerrari
lekua kenduz joan da, eta egun , ez dute eskolarik ematen.
Hori bai, bezeroei lanak egiten lagundu ohi diete.Ehun
urte, hamaika istorio
Ehun urte hauten Elkano kaleko dendan lan egindako hainbat
lagun gogora ekarri nahi izan ditu egungo arduradunetako
batek, Kontxi Aldalurrek: "batik bat, Pakitari eta
Pepitari estimazio haundia diegu, urte asko pasatu baitzituzten
gurekin. 16 urte zituztela sartu ziren dendara lanera
eta oso berandu erretiratu ziren".
Betidanik euskaltzaleak izan dira denda honetako arduradunak
eta behin, Espainiako erregina Maria Cristina dendara
sartu zitzaienenean , Erregina dator, erregina dator"
Euskaraz esan zutela nabarmendu digu kontxik. Beste zenbait
pertsonaia ezagun ere izan dira dendan, tartean Franco
dikatdorearen emaztea bera: " Dirudienez, bordatze
lanak eta horrelakoak gustatzen zitzaizkien emakume haiei,
eta horregatik etortzen ziren dendara", dio Kontxik.Gaur
egun, eskulanei erromantizismo hutsagatik eusten dietela
aitortu digute dendako arduradunek: "Gurera datozen
bezeroak oso fidelak dira eta gipuzkoa osotik etorri ohi
dira". Bestalde, garai berri honetara egokitzen jakin
dute (www.casalabores.com) . Bertan , denetatik aurki
daitek: aholkuak , erakusleio birtuala eta baita jostunentzako
gaztelania-euskara hiztegi txiki bat ere. Beste ehun urte
beteko ahal dituzte!.
